Украина футбол федерацияси президенти Анатолий Коньков Қрим муаммоси туфайли Россия футбол иттифоқи ва рус клубларига нисбатан санкциялар қўлланиши ҳақида фикр билдирди.

РФИнинг УЕФАдан четлатилиши шу йилнинг ўзида амалга ошиши мумкинми? УЕФА ижроия қўмитасининг қандай қарор чиқаришини қандай қилиб олдиндан айта оламан? Бу қандай кўринишда бўлишини айта олмайман.

Саволлар мендагина эмас, бутун Европа ҳамжамиятида бор. Бир нарсани айтишим мумкин: қатъий талаб қўямиз.

Агар эсласангиз, Киевнинг "Динамо"си "Панатинаикос" билан ўйиндан сўнг чемпионлар лигасидан четлатилган эди. Бизнинг клубимиз ўрнига "Ольборг" ўйнаган эди.

Россия клубларини ҳам ЕЧЛ ва Европа лигасида шундай тақдир кутиб турган бўлиши мумкин", - дейди Коньков.

Эслатиб ўтамиз, Қрим клублари бўйича масала ФИФА, УЕФА, УФФ ва РФИ ўртасида тўрт томонлама учрашув 18 сентябрь куни УЕФА штаб-квартирасида бўлиб ўтади.

Аввалроқ УЕФА музокаралар ўтказилмагунча Қрим клубларининг Россиядаги натижалари тан олинмаслигини маълум қилган эди.