Россиянинг "Краснодар" клуби Европа лигасининг гуруҳ босқичини сафардаги дуранг билан бошлади. "Лилль" меҳмони бўлган Олег Кононов шогирдлари 1:1 ҳисобидаги дурангга имзо чекишди.

Ўйин мутлақо тенгма-тенг курашлар остида кечди. Биринчи бўлимнинг 35-дақиқасида Одил Аҳмедов ҳужумни бошлади ва тўпни ўнг қанотдан очилган Енжейчикка тўпни узатди ва ўзи жарима майдончасига борди. Ярим ҳимоячининг қанотдан узатган тўпи айнан Одилга келиб тушди. Ҳамюртимиз ўзи зарба бериши мумкин бўлган вазиятда тавани билан тўпни ортида турган Лабордега ташлади. Рикордонинг зарбаси ҳимоячилардан бирга теккан ҳолда дарвоза тўрига бориб тушди.

Аҳмедовнинг иккинчи бўлим бошида ўйин тақдирини ҳал қилиб қўйиши мумкин эди. Қарши ҳужум пайтида Перрейра Одилни дарвозабон билан бирга-бир вазиятга чиқарди. Ўзбекистонлик ярим ҳимоячининг зарбасини эса Энеяма қайтаришга муваффақ бўлди.

Иккинчи бўлим ўрталарида "Лилль" ярим ҳимоячиси Кьяер жарима зарбасидан чиройли гол муаллифига айланди.

Ушбу голгача ва голдан кейин ҳам ҳар иккала жамоада гол уриш имкониятлар бўлди. Бироқ ўйинда дуранг натижа қайд этилди ва бу натижа ўйинга мос бўлди.

Европа лигаси, "Н" гуруҳи
Лилль Франция – Краснодар Россия 1:1 (0:1)
Голлар: 0:1 – 35 Лаборде, 1:1 – 63 Кьер.
Лилль – Эньема, Суаре, Кьер, Баша, Коршья, Лопеш, И. Гуйе, Мавуба (Делаплас, 46), Бальмон (Мендеш, 77), Ру (М. Фрай, 46), Орижи.
Краснодар – Дикань, Сигурдссон, Гранквист, Енжейчик, В.Калешин, Измайлов (В.Бистров, 69; Бурмистров, 86), Газинский, Лаборде (Вандерсон, 70), Одил Аҳмедов, Перейра, Ари.
Огоҳлантиришлар: Гранквист (19), Газинский (62), В.Бистров (79), Енжейчик (84).