Эртада тонгдан Осиё Ўйинларининг бир қанча мусобақалари бошланди ва дастлабки медаллар соҳиблари номи аниқ бўлди.
Хитой делегацияси медаллар жамғаришни бошлади. Улар 3та олтин медални қўлга киритишди. Мезбонлар — Жанубий Корея ҳисоби эса 1та олтин ва 2та кумушга бойиди.
Ўзбекистонлик спортчилар Осиё Ўйинларининг биринчи кунида спортнинг 11 тури бўйича баҳсларда иштирок этишади. Спортчиларимиз иштирокидаги мусобақанинг 8тасида медаллар ўйналади. Бир қанча спортчиларимиз эса саралаш босқичида иштирок этишади.
Юртдошларимизнинг дастлабки иштироклари борасида маълум бериб ўтамиз.
Синхрон сузиш, жуфтлик (1та комплект медаль)
Ўзбекистон: Юлия Ким, Анастасия Рузметова, Анастасия Здравковская
Мажбурий дастур. Ушбу дастурдан кейин Юлия Ким ва Анастасия Рузметов жуфтлиги 74.8379 жамғариб, 5-ўринда боришмоқда. Баҳсларда эса 9та мамлакат вакиллари иштирок этишмоқда. Дастлабки 4та ўрин эгаллаган спортчилар натижалари:
Хитой — 91.1851
Япония — 89.6721
Қозоғистон — 82.4306
КХДР — 82.1401
Эркин дастур бўйича машқлар Тошкент вақти билан соат 11:00да бошланади.
Академик эшкак эшиш
Эркаклар, яккалик. саралаш
Артём Кудряшов дастлабки саралаш баҳсида иштирок этди ва ўз гуруҳида маррага учинчи бўлиб келди. Ҳамюртимиз 2000 метр масофани биринчи бўлиб кесиб ўтган гонконглик спортчидан 16,5 сония, иккинчи ўриндаги КХДРликдан эса 6,5 сония ортда қолди. Кудряшов финал йўлланмасини қўлга киритиш учун яна бир саралаш мусобақасида қатнашади.
Ушу, эркаклар (1та комплект медаль)
Индивидуал машқ кўрсатиш баҳсларида иштирок этган Мақсудбек Баҳодиров 11 нафар спортчи орасида 10-ўринни эгаллади. Юртдошимизинг чиқишига ҳакамлар 8.56 балл беришди. Жанубий Корея, Макао ва Япония спортчилари медалларни қўлга киритишди.
Теннис, аёллар, жамоавий, 1/8 финал.
Ўзбекистон - Таиланд.
Дастлаб Оқгул Омонмуродова таиландлик Тамарине Танасугарнга қарши кортга чиқди. Вакиламиз дастлабки сетда 2:6 ҳисобида ютқазган бўлса, иккинчи сет давомида олдинда бораётиб, якунда мағлуб бўлди — 4:6. Ҳозирча Таиланд 1:0 ҳисобида олдинга чиқиб олди. Энди Нигина Абдураимова Луксика Кумхум билан баҳс олиб боради. Шунингдек, бугун Абдураимова/Омонмуродова жуфтлиги Лертчевакарн/Вонгтеанчай жуфтлигига қарши кортга чиқишади.
Ўқ отиш, саралаш, 05:00
Саралаш баҳслари давом этмоқда. Ҳозирча юртдошларимизнинг натижалари у қадар яхши эмас. Шуҳрат Худойбердиев финал босқичига чиқишга уринаётган бўлса, Георгий Попов ва Шерзод Мамажонов пастки ўринларда боришмоқда.
Инчеон-2014, 20 сентбярь. Ўзбекистонлик спортчилар иштирокидаги мусобақалар тақвими (Тошкент вақти билан кўрсатилган)
Қиличбозлик, шпага, эркаклар, индивидуал (1та комплект медаль)
Эркаклар. Мусобақалар 08:00да бошланади ва куни бўйи давом этади
Роман Александров ("С" гуруҳи)
Руслан Кудаев ("D" гуруҳи)
Сув полоси, аёллар, саралаш
11:00. Сингапур - Ўзбекистон
Велоспорт
13:00. Велотрек, саралаш
Руслан Фёдоров, Сергей Медведев, Владимир Тўйчиев, Тимур Гумеров
Гандбол, аёллар, гуруҳ босқичи, "В" гуруҳи
16:00. Ўзбекистон - Мальдив
Дзюдо. 10:00дан бошланади
Аёллар. 48 кг. (1та комплект медаль).
1/8 финал. Муқаддас Кубеева (Ўзбекистон) - Ликмабам Шушила Деви (Ҳиндистон)
Эркаклар, 60 кг. (1та комплект медаль)
1/8 финал. Лутфуллаев (Ўзбекистон) - Ситисане (Лаос) / Бакитбек уулу (Қирғизистон)
Эркаклар, 66 кг. (1та комплект медаль)
1/8 финал. Мирзоҳид Фармонов (Ўзбекистон) - Вонг (Макао) / Ҳамад (Саудия Арабистони)
Оғир атлетика, аёллар, 48 кг.
12:00. "А" финали. Маҳлиё Тогоева
Ушу, аёллар, 52 кг. (1та комплект медаль)
15:00. 1/8 финал. Муборак Камолова (Ўзбекистон) - Юмнам Санатои Деви (Ҳиндистон)
| № | Давлат |  |
 |
 |
Жами |
| 1 | Хитой | 3 | 0 | 0 | 3 |
| 2 | Жанубий Корея | 1 | 2 | 0 | 3 |
| 3 | Макао | 0 | 1 | 0 | 1 |
| 4 | Хитой Тайпейи | 0 | 1 | 0 | 1 |
| 5 | Вьетнам | 0 | 0 | 1 | 1 |
| 6 | Мўғулистон | 0 | 0 | 1 | 1 |
| 7 | Япония | 0 | 0 | 1 | 1 |
| 8 | Ҳиндистон | 0 | 0 | 1 | 1 |
