«Насаф» ўз тарихида илк марта “Бунёдкор”ни Тошкентда мағлуб этишнинг уддасидан чиқди.

Олий лиганиг 21-турида мазкур жамоалар ўртасида “Жар” стадионида бўлиб ўтган ҳар иккала жамоа учун жуда катта аҳамиятга эга эди. Боиси, “қалдирғочлар” мағлубиятга учраса, деярли медаллардан имкониятидан маҳрум бўларди. Ғалаба эса “Насаф”ни олтин медаллар учун курашиш имкониятини сақлаб қоларди.

Буни яхши ҳис қилган ва ўйинга тўғри тактика танлаган қаршиликлар ўйин бошидан катта куч билан олдинга ўтишди ва 2-дақиқадаёқ ҳисобни очишга муваффақ бўлишди. Ўнг қанотдан етказилган тўпни Илҳом Шомуродов бош билан дарвозага жойлаб қўйди. Шундан кейин “Насаф” тўлиқ ҳимояга ўтиб олди.

Ҳисобни тенглаштириш учун бир қатор ҳужумлар ташкил қилган Лушан шогирдлари эса бир неча марта қулай имкониятлардан фойдалана олишмади. Шунга қарамай, 30-дақиқада тўп “Насаф” дарвозасига бориб тушди. Бироқ қанот ҳаками Цапенко қўпол хатога йўл қўйди ва вазиятни офсайд дея баҳолаб, Бекричнинг тоза голини инобатга олмади.

Иккинчи бўлимда эса “Насаф” мудофаада бехато ўйнашга интилди. Ўйин тугашига 6 дақиқа қолганида эса Артур Геворкян 17 метрлар узоқликдан белгиланган жарима зарбасини қойилмақом тарзда бажариб, ҳисобни 0:2га оширди.

Орадан бир дақиқа ўтиб Минори Сатога нисбатан "Насаф" ҳимоячилари ўз жарима майдончалари ичида ўйин қоидасини бузишди. Марат Исмоилов эса пенальти белгилади. Жарима зарбасини Темур Аюпов аниқ бажариб, ҳисобни биттага қисқартирди.

Ўйиннинг қолган дақиқаларида Рўзиқул Бердиев шогирдлари ғалабани сақлаб қола олишди.

ОЛИЙ ЛИГА, 21-ТУР.
"БУНЁДКОР" - "НАСАФ" - 1:2 (0:1)
Голлар: Темур Аюпов (86) — Илҳом Шомуродов (2), Артур Геворкян (83)
“Бунёдкор”: 45.Акбар Тўраев, 4.Хайрулла Каримов 6.Анвар Ғофуров (Акром  Комилов 54), 8.Жавлон Иброҳимов 13.Милошевич 15.Ислом Иномов, 19.Забиҳилло Ўринбоев, 20.Самир Бекрич, 27.Сардор Собирхўжаев, 28.Достонбек Ҳамдамов, 33.Олег Зотеев.
Захира: 1.Павел Бугало, 3.Шукурали Пўлатов, 9.Минори Сато, 11.Александр Пишур, 48.Акром Комилов, 54.Темур Аюпов, 59.Асқар Ҳасанов
“Насаф”: 30.Ўткир Юсупов, 4.Мақсуд Каримов, 5.Ботир Қораев, 9.Илҳом Шомуродов, 14.Лазиз Убайдуллаев, 17.Артур Геворкян, 19.Игорь Таран (Одилжон Ҳамробеков 46), 20.Эркин Бойдуллаев, 23.Шерзод Аъзамов, 28.Шуҳрат Муҳаммадиев, 32.Ҳамза Каримов.
Захира: 1.Михаил Наумов, 7.Акром Баҳриддинов, 22.Шоҳруҳ Гадоев, 27.Илҳом Юнусов, 29.Улуғбек Дадабоев, 33.Одил Ҳамробеков, 38.Нарзуллаев