Дортмунднинг "Боруссия" клуби ярим ҳимоячиси Марко Ройс ушбу мавсум якунлангач Мадриднинг "Реал" клубига ўтиши мумкин.
AS нашрининг хабар беришича, германиялик футболчи бу борада мадридликлар билан оғзаки келишувга эришган бўлиши ҳам мумкин. Сабаби, бир қатор Испания ОАВ шу ҳақда хабарлар тарқатган.
Аввалроқ германиялик футболчи "Боруссия" билан амалдаги шартномасини узайтириш борасида келиша олмаётгани ҳақида хабарлар тарқалганди.
Эслатиб ўтиш лозим, Ройс билан "Реал"дан ташқари Испаниянинг яна бир гранди - "Барселона" ҳам жиддий қизиқмоқда. Ройсга харидорлар қаторида "Ливерпуль" ва "Манчестер Юнайтед" клублари ҳам бор.