Футбол майдонларида ҳакамлар қўллайдиган кўпик ихтирочиси, аргентиналик тадбиркор Пабло Сильва Германияликларининг бу маҳсулотга қаршилигини изоҳлади.

- Сиз ихтиро қилган кўпик одам соғлигига зарарми?
- Менимча, ошириб юборишган. Кўпик ҳозиргача 300 мингдан ошиқ ўйинларда қўлланилди. Биз барча қонунларга риоя қиляпмиз.
- Демак, кўпикка қарши танқидлар - соф немисча характер натижасидир.
- Мен немисларининг соф характери ҳақида билмайман. Бу восита бутун дунёда рухсат этилган. Агар глобал исиш муаммоларига келсак, кўпикнинг зарари исталган углеводород маҳсулотиникидан оғирроқ эмас. Пропан - бу каби кўпикларнинг энг асосий бўлаги ҳисобланади.
- Германияда кўпикнинг муаммосиз қўллаш учун қандай ўзгаришлар киритиш керак?
- Баллончага ёнувчанлиги ҳақида ёзув киритиш керак. Бундай эслатмалар инглиз ва испан тили қўлланадиган мамлакатларда киритилмоқда. Шундан сўнг бу восита Германияда ҳам муаммосиз қўлланади, деб ўйлайман.
- Бундеслига вакиллари кўпикни бошқа ишлаб чиқарувчи томонидан тақдим этилишини муҳокама қилмоқда, бу қонунийми?
- Бу мутлақо ноқонуний. Бошқа ишлаб чиқарувчилар бу маҳсулотни ишлаб чиқара олмайдилар, чунки патент менга тегишли. Патент кўпикнинг таркиби, қўлланиш принциплари ва ихтирога тегишли. Агар немислар бошқа ишлаб чиқарувчиларнинг маҳсулотидан фойдаланса, мен уларни судга бераман.
- УЕФАдагилар кўпикни еврокубокларда қўллаш учун сиз билан алоқага чиқишдими?
- Ҳа, ҳаммасини келишиб олдик. Кўпикнинг чемпионлар лигаси ва Европа лигасида қўллаш борасида муаммолар бўмайди.