Аёллар ўртасидаги еттикураш мусобақасида олтин ва бронза медалларини ўзбекистонлик спортчилар қўлга киритишди!

Кўпкурашнинг энг сўнгида спортчилар 800 метрга югуришди. Бунгача 24 балл билан хитойлик спортчидан олдинда бораётган Екатерина Воронина югуриш мусобақасида ҳеч қандай хавотир ва шубҳага ўрин қолдирмади ҳамда маррага биринчи бўлиб етиб келди. У 2:21.21 натижа қайд этди. Асосий рақибатчи ҳисобланган хитойлик Чинг Линг Ванг ҳамюртимиздан 2 сониядан ортиқроққа ортда қолди.

Юлия Тарасова эса финишга бешинчи бўлиб келди. Шунга қарамай, Тарасовани бронза медалдан ҳеч ким маҳрум қила олмади.

Натижада Ўзбекистон делегациясининг олтин медаллари 4тага кетди. Шунингдек, ҳисобимизда 5та кумуш ва 12та бронза медаллари ҳам бор. Умумий медалларимиз сони 20тага етди.

Юлия Тарасова энди соат 15:00дан бошлаб узунликка сакраш мусобақасида иштирок этади

Енгил атлетика. Еттикураш. Якуний натижалар
1. Екатерина Воронина (Ўзбекистон) — 5912 балл
2. Чинг Линг Ванг (Хитой) — 5856 балл
3. Юлия Тарасова (Ўзбекистон) — 5482 балл
5. Сусмита Сингҳа Рой (Ҳиндистон) — 5194 балл
6. Свапна Барман (Ҳиндистон) — 5178 балл
9. Сепида Тавакколий Ник (Эрон) — 5053 балл
7. Ю Тинг Хуанг (Хитой Тайпейи) — 5039 балл
8. Йеон Чжин Чжеонг (Жанубий Корея) — 4975 балл
4. Котчакорн Хамруеангсри (Таиланд) — 4871 балл
10. Чиа Линг Чу (Хитой Тайпейи) — 4834 балл
11. Кристина Пронженко — 4453 балл