Қандайдир 5 дақиқа ичида Ўзбекистон делегацияси ҳисоби иккинчи олтин медаль билан бойиди.

Бугун бадиий гимнастикада жамоавий баҳслар ўтказилди. Ҳар бир мамлакатнинг учтадан спортчилари 4та йўналиш бўйича ўз чиқишларини амалга оширишади. Якунда эса қўлга киритилган 12та баллдан 2та энг пасти олиб ташланади ва қолган 10та балл умумлаштирилади.

Анастасия Сердюкова ва Жамила Раҳматова барча йўналишларда жуда юқори балл олишди. Улар шахсий ҳисобда жадвалда 3 ва 4-ўринларни эгаллаган бўлсалар-да, спортчиларимиз қайд этган натижа жамоавий баҳсларда чемпионликни қўлга киритишимиз юқори аҳамиятга эга бўлди. Шунингдек, Валерия Давидова ва Равиля Фархутдинова ҳам олтин медалга ўз ҳиссаларини қўшишди.

Ўзбекистон 170,130 балл билан биринчи, Жанубий Корея 164.046 балл билан иккинчи ва Қозоғистон 163.131 балл учинчи ўринни эгаллади. Япония эса 162.830 балл орқали 4-ўринда қолди.

Шунингдек, Жамила Раҳматова ва Анастасия Сердюкова эртага бўлиб ўтадиган индивидуал мусобақанинг финалида иштирок этиш ҳуқуқини қўлга киритишди.

Демак, энди медалларимиз 8-9-14=31 кўринишига келди ва худди шу тартибда медаль жамғарган Хитой Тайпейи билан биргаликда 9-ўринни эгаллаб турибмиз.