"Барселона" ҳимоячиси Жерар Пике собиқ жамоадоши Рой Киндан ҳамон қўрқишини билдирди.
Бу футболчилар 2004-05 йилларда "Манчестер Юнайтед" клубида бирга тўп сурган ва Рой Кин жамоа сардори эди.
"Мен Алекс Фергюсондан қўрқмас эдим. Кин - бошқа масала. Эсимда, кийиниш хонасида телефонимнинг вибрацияси ишлаб қолди. Кин ғазабланиб телефоннинг эгасини қидира бошлаган эди.
"Селтик"ка қарши ўтган мавсумдаги учрашув олдидан майдонга машқ бажариш учун тушдик, шунда ўйинда эксперт бўлиб қатнашаётган Ройни кўриб қолдим. Мен кўзимни олиб қочдим, чунки унда ҳамон қўрқаман", - дея Пикенинг сўзларини келтиради Four-Four-Two.