"ПСЖ" ҳужумчиси Златан Иброҳимович португалиялик мутахассис Жозе Моуриньо ҳақидаги фикрлари билан ўртоқлашди. 33 ёшли швед футболчисининг айтишича, Жозе Моуриньо дунёдаги энг доно мураббийдир. У ҳар қандай футболчи билан тил топиша олади.
"Фаолиятим давомида жуда кўплаб мураббийлар қўл остида тўп тепдим. Ҳаммасининг ҳам ўз услуби, ўз қарашлари бор. Аммо шогирдларининг кўнглини топа олиш борасида Жозедек тажрибали мураббийни бошқа учратганим йўқ.
Моуриньо – жуда ақлли мураббий. У футболчилар билан қандай муомала қилиш кераклигини жуда яхши билади. Ушбу мураббий қўл остида ҳар қандай футболчи юз фоизлик кучи билан ўйнашга ҳаракат қилади", - дейди Златан.
