Германия терма жамоаси Бразилияда ўтган мундиалда зафар қучганидан хабарингиз бор. Бундесманншафтнинг жаҳон футбол тожини қўлга киритиш йўлида босиб ўтганлари умумлаштирилган ҳолда яхлит бир фильм сифатида тақдим этилади. Бу ҳақда Немис Футбол Иттифоқи матбуот хизмати хабар бермоқда.
НФИ мундиалдаги ғалабани тарих зарварақларига мухрлаш мақсадида ушбу лойиҳага қўл урган. Терма жамоа менеджери Оливер Бирхоффнинг таъкидлашига қараганда, мазкур фильмнинг тақдимоти ноябрь ойида бўлиб ўтади.
“Die Mannschaft / Жамоа (ўзбекчаси – Stadion.uz)” фильми тез орада экранларга чиқади. Унинг тақдимотини 10 ноябрь кунига мўлжаллаяпмиз. Ҳаммаси режадагидек кетса, мухлислар жамоамизнинг ғалабали онларини яна бир бор ёдга олиш ва ундан шодланиш имконига эга бўлишади”, - дейди Бирхофф.
Таъкидлаш жоизки, “Die Mannschaft” фильмида Германия термасининг ЖЧга тайёргарлиги, Бразилияда ўтказган кунлари ва жаҳон чемпионлигининг Берлинда нишонланиши ҳақида ҳикоя қилинади.
