"Севилья" президенти Хосе Кастронинг фикрича, телетрансляциядан тушган маблағлар фақат "Барселона" ва "Реал" клубларининг ривожланишига хизмат қилмоқда, бу Испания чемпионатининг савиясини туширади.
"Барселона" ва "Реал" бир мавсум учун 140 млн евродан олишади ва уларнинг улуши 35 фоизни ташкил қилади, қолган клубларга умумий 800 млн евро тегади. Бу эса ҳар бир клубга 19 млн дан 44 млн евродан тўғри келади.
"Ким Испания чемпионатидаги рақобат ҳақида айтса - у ёлғон гапирмоқда. Бу фальсификация. Чемпионлик учун курашадиган ҳеч қандай беш клуб йўқ. "Барселона" ва "Реал" кўп йиллар давомида телекомпанияларда катта улуш олмоқда. Бу нотўғри.
Агар биз ривожланмоқчи бўлсак - Англиядан ўрнак олишимиз керак. У ерда тўрт-олти жамоа даромадни тенг бўлишади ва уларда ҳар доим катта рақобат бор", - дейди Кастро.