Ҳиндистоннинг Пуна шаҳрида шахмат бўйича 20 ёшгача бўлган шахматчилар ўртасида ўтказилаётган жаҳон чемпионатида 7-тур ўйинлари бўлиб ўтди.

Мазкур дунё биринчилигида иштирок этаётган ҳамюртимиз Сарвиноз Қурбонбоева қаторасига иккинчи ғалабани тантана қилди. Бу сафар Сарвиноз ҳиндистонлик Тежасвини Сагарни мағлуб этди.

Жаҳон чемпионатининг эркаклар ўртасидаги баҳсларда қатнашаётган юртдошимиз Шамсиддин Воҳидов ушбу турда мағлубият аламини тотди. Ҳиндистонлик Принц Бажажга қарши қора доналарда баҳс юритган ҳамюртимиз рақиби қаршилигини енга олмади.

Бугун ўтказиладиган 8-турда Шамсиддин Воҳидов қозоғистонлик Эркин Козганбай билан баҳс юритса, Сарвиноз Қурбонбоева мезбон шахматчи Полтури Супритта билан куч синашади.

Бугунга қадар ўтказилган 7 тур ўйинларининг якунларига кўра ҳар икки спортчимиз ҳисобида ҳам 3,5 тадан очко бор.