Жанубий Кореянинг Инчеон шаҳрида ўтказилаётган ПараОсиё ўйинларида делегациямиз ҳисобидаги олтин медаллар сони 12 тага етди.

Сузиш бўйича ўтказилаётган мусобақаларда Ватанимиз шарафини ҳимоя қилаётган Кирилл Паньков 100 метр масофага чалқанча усулда сузиш бўйича ўтказилган мусобақаларда маррага биринчи бўлиб етиб келди ва бу йилги ПараОсиё ўйинларининг учинчи олтин медалини қўлга киритди. Эслатиб ўтамиз, Кирилл Паньков бунга қадар 50 ва 100 метр масофаларга эркин усулда сузиш мусобақаларида олтин медалга сазовор бўлган эди.

Айни пайтга келиб Ўзбекистон спортчилари 12 та олтин, 2 та кумуш ва 1 та бронза медалини қўлга киритган ҳолда умумжамоа ҳисобида 4-ўринда боришяпти.

Қуйида, ПараОсиё ўйинларида ҳозирга қадар совринли ўринларни эгаллаган спортчиларимиз рўйхати берилган:

Олтин – Дмитрий Хорлин (сузиш, 50 метр масофага эркин усулда)
Олтин – Дмитрий Хорлин (сузиш, 100 метр масофага эркин усулда)
Олтин – Дмитрий Хорлин (сузиш, 400 метр масофага эркин усулда)
Олтин – Кирилл Паньков (сузиш, 50 метр масофага эркин усулда)
Олтин – Кирилл Паньков (сузиш, 100 метр масофага эркин усулда)
Олтин – Кирилл Паньков (сузиш, 100 метр масофага чалқанча усулда)
Олтин – Фахриддин Ҳамраев (енгил атлетика, 800 м. масофага югуриш)
Олтин – Мавлонбек Хайдаров (енгил атлетика, ядро улоқтириш)
Олтин – Маъруфжон Муродиллаев (енгил атлетика, 1500 метрга югуриш)
Олтин – Шерзод Намозов (дзюдо, -60 кг)
Олтин – Нурбек Бердиёров (дзюдо, -66 кг)
Олтин – Севинч Салаева (дзюдо, -52 кг)

Кумуш – Фаррух Мирзақулов (енгил атлетика, узунликка сакраш)
Кумуш – Ҳусниддин Норбеков (енгил атлетика, ядро улоқтириш)

Бронза – Дамир Пашаев (енгил атлетика, 800 м. югуриш)