Ёшлар ўртасидаги Осиё чемпионатининг иккинчи финалчиси номи маълум бўлди. Қатар терма жамоаси финалда КХДР билан баҳс олиб борадиган бўлади.

Мезбон Мьянма яна бир сенсация қайд этишига оз қолди. Қатар биринчи бўлим сўнгида ҳисобни очди. Иккинчи бўлимнинг ўрталарида эса мьянмаликлар қандайдир 2-3 дақиқа ичида иккита гол уриб, ҳисобда олдинга чиқиб олишди. Ўйиннинг асосий вақти тугашига 15 дақиқа қолганида қатарликлар жарима зарбасидан ҳисобни тенглаштиришди.

Қўшимча бўлимларнинг дастлабкиси бошланган пайтда Қатар бурчак тўпидан сўнг ҳисобда олдинга ўтиб олди. Ўйиннинг сўнгги дақиқаларида Мьянма кетма-кет ҳужумлар ташкил қилди, аммо ҳисобни тенглаштира олмади.

Мьянма терма жамоаси Ўзбекистон каби қитъа чемпионатининг бронза медали билан чекланиб, келаси йили ЖЧда иштирок этадиган бўлди.

Қатар гуруҳ босқичи КХДР билан баҳслашганди. Унда қатарлик 3:1 ҳисобида ғалаба қозонганди.

Ёшлар ўртасида Осиё чемпионати, ярим финал
МЬЯНМА - ҚАТАР - 2:3 (0:1)
Голлар: Аунг Ту (61), Нйеин Чан Аунг (64) — Али ал-Моез (45), Афиф (75), Серине Абду (92)