"Куинз Парк Рейнджерс" ҳимоячиси Рио Фердинанд мавсум якунига етгандан сўнг фаолиятини тугатишга қарор қилди.
"Ушбу мавсумдан сўнг фаолиятимни якунламоқчиман. Спортни тарк этишдан қўрқмайман. Олдимда энг яхши кунларим борлигига ишонаман", - дейди Фердинанд.
Футболчининг сўзларига қараганда, вақт ўтиши билан жисмоний юкламаларни кўтариш қийнлашиб қолган. Бу мавсум унинг учун Англия чемпионатидаги 19-мавсум эди. Фаолияти давомида "МЮ", "Веси Ҳэм", "Лидс" ва бир қатор клубларда тўп сурган. Бундан ташқари Англия терма жамоасининг 80дан ошиқ учрашувларида майдонга тушган, уч марта жаҳон чемпионатида қатнашган.