«Реал Мадрид Кастилья» жамоаси бош мураббийи Зайниддин Зидан ва катта мураббий Сантьяго Санчес 3 ойга мураббийликдан четлатилишди.
Ушбу мутахассислар тегишли лицензиясиз мураббийлик билан шуғулланиб келишгани учун Испания футбол федерацияси томонидан дисквалификацияга учрашди. "Реал" Федерацияга мурожаат қилиб, Зидан тегишли лицензияни Франция футбол федерацияси курсларида ўқиб олганини тушунтиришга ҳаракат қилди.
Мадридликлар 10 кун давомида ушбу қарор юзасидан аппеляция бериш ҳуқуқига эгалар.
Эслатиб ўтамиз, Испания мураббийлар ассоциацияси мавсум бошида Зидан лицензияга эга бўлмай туриб мураббийлик билан шуғулланаётгани юзасидан шикоят берганди. Ёшлар жамоалари мураббийлари миллий миқёсдаги учинчи даражали лицензияга эга бўлишлари лозим. Зидан эса уни энди олади.
Эслатиб ўтамиз, Испания чемпионатининг учинчи дивизионида иштирок этаётган "Кастилья" 10та турдан кейин 13 очко билан 14-ўринни эгаллаб турибди.