Индонезия футбол федерацияси (ИФФ) «Слеман» ва «Слемаранг» клубларини ўзаро ўйинда ўз дарвозаларига жами бешта автогол урганликлари учун мамлакат Кубоги баҳсларидан четлатди. Бу ҳақда «ТАСС» хабар бермоқда.

«Тартиб-интизом қўмитаси олинган маълумотлар асосида ҳар иккала жамоа ҳам мағлубиятдан манфаатдор бўлган, деган хулосага келди. Видеоёзувларда футболчилар атайлаб рақибларига қаршилик кўрсатмаётганликлари, аксинча, ўз дарвозалари ишғол этилиши учун кўмак бераётганликлари кўриниб турибди», – дейилади ИФФ баёнотида.

Учрашув «Слемаранг»нинг 3:2 ҳисобидаги ғалабаси билан якунига етган эди — учрашувдаги сўнгги учта автоголни «Слеман» ўз дарвозасига урган.

Норасмий маълумотларга кўра, жамоалар Индонезия Кубогининг кейинги босқичига чиқмаслик учун атайлаб мағлубият учун тўп суришган – чунки кейинги босқичда уларни маҳаллий мафиозлар билан жуда яқин алоқада бўлган «Борнео» кутиб турган эди.