«Нью-Йорк Космос» испаниялик ҳужумчи Рауль билан бир неча йиллик шартнома имзолганини эълон қилди.
Томонларнинг келишувига мувофиқ, шартноманинг бандлари эълон қилинмайдиган бўлди. 37 ёшли футболчи чемпионатда 2015 йилдан бошлаб ўйнашни бошлайди. Шунингдек, Рауль клуб академиясида маслаҳатчи лавозимини эгаллайди. У фаолиятини якунлаганидан кейин ўзини тўлиқ академия фаолиятига бағишлайди.
Эслатиб ўтамиз, Рауль «Реал» сафида 741та расмий ўйинда майдонга тушиб, 323та гол урган. Бундан ташқари, у «Шальке» ва Қатарнинг «Ас-Садд» клубида ўйнади.
