Бразилиянинг "Сантос" клуби Аргентина терма жамоасининг собиқ футболчиси Диего Марадонани туғилган куни билан табриклади. Аммо, твиттерда эълон қилинган ушбу табрик сўзларига пичинг аралашган эди.
"Спорт Марадонадан миннатдор. Тарихдаги... Аргентина тарихидаги энг буюк футболчига табрикларимиз", - дейилади табрикда.
Эслатиб ўтамиз, "Сантос" машҳур футболчи Пеленинг жонажон жамоаси саналади. Бразилияликлар ва Аргентиналиклар жаҳон футболи тарихида энг эхши ўйинчи ким эканлиги ҳақида баҳслашиб келадилар. Пеле ўзини жаҳонда энг яхши футболчи деб ҳисоблайди, Марадона ҳам ўзи ҳақида шу фикрда.
Таъкидлаш жоиз, Марадона 30 октябрь куни 54 ёшга тўлди.
