Хабарингиз бор, юртимиз бўйлаб “Насаф” жамоаси аъзоси Камолиддин Кенжаевни қўллаб-қувватлаш мақсадида акция ўтказилмоқда.
2007 йилда бахтсиз ҳодиса туфайли ногиронлик аравачасига михланган Камолиддин Кенжаев ҳанузгача жамоамизнинг тўлақонли аъзоси ҳисобланади. Турли байрам ва тадбирларга, жамоамизнинг ўз майдонида ўтаётган аксарият учрашувларни Камолиддин бевосита иштирок этади. Бир сўз билан айтганда у доимий равишда жамоамиз футболчилари ва раҳбариятининг эътиборида.
Футболчиларимиз кечаги машғулот олдидан Камолиддин Кенжаевни қўллаб-қувватлаш учун ўтказилаётган акцияда фаол иштирок этишларини маълум қилишди.