"Бунёдкор" стадионидан энди концертлар бериш мақсадида фойдаланилади. Бу ҳақда Чилонзор тумани ҳокими ўринбосари Сайфулла Аҳмедов podrobno.uz сайтига хабар берди.
Ҳоким ўринбосарининг сўзларига кўра, махсус дастур ишлаб чиқилган бўлиб, "Бунёдкор"да нафақат футбол ўйинлари, балки концертлар, фестиваллар ва бошқа спорт турлари бўйича мусобақалар ҳам ўтказилади. Аҳмедовга кўра, келаси йили ушбу стадионда 4та йирик тадбир режалаштирилган. Булар қандай тадбир эканига аниқлик киритилмаган.
Йирик стадионларда турли маданий-оммавий тадбирлар ўтказиш амалиёти жаҳон бўйлаб кенг тарқалган. Масалан, Москвадага "Лужники" ва "Олимпийский" стадионларида шундай тадбирлар ўтказилиб турилади.
