«Челси» бош мураббийи Жозе Моуриньо дунёнинг энг яхши мураббийи унвони учун номзодлар сафига киритилгани борасида ўз фикрларини билдириб ўтди.

— Ушбу номинация борасида фикрингиз?
– Ҳеч нарса билмайман. Билмайман ва билишни хоҳламайман. Ҳозир шанба кунги баҳсда ғолиб чиқишни истайман, бошқа нарсалар мени қизиқтирмайди.

— Лекин номзодлар сафига киритилганингизни билсангиз керак?
– Биламан, лекин менга фарқи йўқ. Ишончим комил, бу танловда мен ғолиб чиқмайман. Боиси, дунёнинг энг яхши мураббийи унвонига муносиб иш қилмадим.

Эслатиб ўтамиз, 2014 йилнинг энг яхши мураббийи унвони учун 10 нафар мураббий номзод сифатида киритилган: Карло Анчелотти («Реал»), Хосеп Гвардиола («Бавария»), Юрген Клинсманн (АҚШ терма жамоаси), Йоахим Лёв (Германия терма жамоаси), Жозе Моуриньо («Челси»), Мануэль Пеллегрини («Манчестер Сити»), Диего Симеоне («Атлетико»), Луи ван Гал (Голландия терма жамоаси, «Манчестер Юнайтед»), Антонио Конте («Ювентус», Италия терма жамоаси) ва Алехандро Сабелья (Аргентина терма жамоаси).