"Челси" бош мураббийи ҳужумчи Диего Костанинг "КПР" билан ўйинда майдонга тушишига умид қилмоқда. Диего Коста умумий гуруҳ машғулотларига қайтди ва бўлажак ўйинга тайёр.
Ҳужумчи терма жамоадан қайтганидан кейин ошқозони билан боғлиқ муаммо туфайли шифохонага ётқизилди. У ЕЧЛ доирасида "Марибор"га қарши ўйинни (6:0) ва "Манчестер Юнайтед" билан бўлган (1:1) Премьер-лига баҳсини ўтказиб юборди.
"Лоик Реми ва Жон Оби Микел учрашувларга тайёр эмас, Рамирес ва Диего Коста ўйинда иштирок этиши мумкин", - дея Моуриньонинг сўзларидан иқтибос келтирмоқда "Челси" Твиттери.
Мутахассис қўшимча қилиб, "Куинз Парк Ренжерс"дан нима кутиш мумкинлигини билишини таъкидлади ва "Челси" учун жуда қийин ўйин бўлади деб ҳисоблайди.
