Каталониянинг "Барселона" клуби сардори Хави жамоадоши Херар Пикега мавсум давомида ўзини кўрсатиш учун ҳали имкон бўлишини таъкидлади.
"Майдонга ким тушишини бош мураббий ҳал қилади. Пике ҳали мавсум давомида бизга жуда керак бўлади. "Аякс"га қарши ўйинда Луис Энрике бошқа футболчиларга ишонч билдирди. Биз ҳаммамиз асосий таркибда майдонга тушишни истаймиз ва бунинг учун машғулотларда астойдил тер тўкмоқдамиз. Херард ҳам айни пайтда ўз устида ишламоқда ва машғулотларда тер тўкмоқда. Ўйлайманки, ҳали унда ўзини кўрсатиш учун имкониятлари етарли", - дейди Хави.