Пляж спорт турлари бўйича Осиё Ўйинларига тайёргарлик кўраётган пляж футболи бўйича Ўзбекистон терма жамоаси айни кунларда БААнинг Дубай шаҳрида йиғин ўтказмоқда.
Аҳад Юсупов бош мураббийлигидаги терма жамоа 9 ноябрь куни йиғин давомида Дубайнинг «Ал Аҳли» клубига қарши назорат-ўртоқлик учрашувини ўтказди. Голларга бой бўлган ўйин 8:6 ҳисобида Ўзбекистон терма жамоаси ғалабаси билан якунланди.
Эслатиб ўтамиз, 14-23 ноябрь кунлари Таиланднинг Пхукет шаҳрида пляж спорт турлари бўйича навбатдаги Осиё Ўйинлари бўлиб ўтади. Унда пляж футболи бўйича Ўзбекистон терма жамоаси ҳам иштирок этади.
Пляж футболи бўйича Ўзбекистон терма жамоасининг Дубайдаги йиғинида иштирок этаётган таркиби:
1. Феруз Фаҳриддинов
2. Тоҳир Абдураззоқов
3. Жамол Шарипов
4. Жавлон Аноров
5. Фаҳриддин Самегов
6. Фарҳод Мираҳмедов
7. Фурқат Азизов
8. Зоҳид Ибрагимов
9. Акмал Чориев
10. Олек Тукмаков
11. Отабек Нарзуллаев
12. Муродхўжа Азаматов
13. Жасур Ўринов
14. Арслон Шаропов
9 ноябрь, БАА. Дубай.
Назорат учрашуви
«Ал Аҳли» (Дубай) - Ўзбекистон терма жамоаси - 6:8
Голлар: Жамол Шарипов (3та), Т. Абдураззоқов (2та), Ф. Самегов (2та), А. Шаропов.
