Пляж футболи бўйича келаси йилнинг 13-18 апрель кунлари Қатар пойтахти Доҳада бўлиб ўтиши лозим бўлган Осиё Чемпионати баҳслари санасига ўзгартириш киритилди. Таъкидлаш лозим, Қатарда бўлиб ўтадиган Осиё Чемпионати баҳслари бир вақтнинг ўзида ЖЧга саралаш вазифасини ўтаб беради.
Шу тариқа, Қатар пойтахти Доҳада ўтказилиши керак бўлган Осиё Чемпионати ўйинлари 23-28 март кунларига белгиланди.
Маълумот учун, Осиё Чемпионатида дастлабки уч ўринни эгаллаган терма жамоалар 2015 йили Португалияда бўлиб ўтадиган Жаҳон Кубоги финал босқичига йўлланмани қўлга киритади.
Эслатиб ўтамиз, аввалроқ пляж футболи жамоалари рейтингини ҳисоб-китоб қилиб борадиган пляж футболи халқаро рейтинги дунё терма жамоаларининг сўнгги ой рейтингини эълон қилган ва унга кўра Ўзбекистон терма жамоаси жаҳон рейтингида 62-ўринда қайд этилган эди.
