Солиқларни тўлашдан қочгани учун хибсда сақланаётган "Бавария"нинг собиқ президенти Ули Хёнесс январда Мюнхен клубидаги фаолиятига яна қайтиши мумкин. Bild нашри мухбирларининг аниқлашича, айни пайтда баварияликлар ушбу масала устида фаол иш олиб бормоқдалар.

Шундай саъй-ҳаракатлар натижасида Хёнесс 12 соатга озодликка чиқариладиган бўлди, аммо бу вақт ичида - тонгги соат олтидан кечки олтигача клубдаги доимий иш фаолиятини ўтайди. У профессионал фаолиятига тўлиқ қайтиши учун қамоқда ўзини яхши томондан намойиш этиши ва иш жойидаги фаоллигини исботлаб бера олиши керак.

Қайд этиш жоиз, қамоқ муддатини ўтай бошлаганидан буён 62 ёшли функционер бир неча маротаба оз вақт давомида озодликка чиқарилган. У 5 январь кунги туғилган кунини ҳам қамоқдан ташқарида нишонлаши ҳақиқатга яқин.