Германия терма жамоаси ҳужумчиси Томас Мюллер Евро-2016 саралаш босқичида Гибралтарга қарши учрашув олдидан Бастиан Швайнштайгернинг терма жамоага қайтганидан хурсандлигини билдирди.
Жароҳати сабабли уч ойга сафдан чиққан Швайнштайгер ҳафта бошида умумий гуруҳ билан шуғуллана бошлади.
"Шванйштайгердек футболчининг яна майдонга қайтиши жамоага жуда муҳим. Унинг Бразилияда ўтган жаҳон чемпионатида кўрсатган ўйинларига қаранг. Унинг сафга қайтиши Германия терма жамоасига ҳам, "Бавария"га ҳам фойдали. Бундай футболчилар билан бир сафда ўйнаш кўпчилик учун фойдали", - дейди Мюллер.
