Каталониялик Жауме Маркет, ёки ҳаммага Жимми Жамп номи билан машҳур бўлган мухлис ўйин вақтида майдонга югуриб чиқмайдиган бўлди.
Гап шундаки, Жимми Жампга қўйилган жарималар жуда катта миқдорга етди.
"Менинг пулим йўқ. Мен 280 минг еврога яқин қарздорман. Суд менинг ҳар ойлик маошимдан 50 фоизини ушлаб қолиниши ҳақида қарор чиқарган", - дея Жампнинг сўзларини келтиради Eurosport.
Бундан ташқари Жиммига 2016 йилгача Испания ва Германия стадионларида бўлиб ўтадиган футбол учрашувларига кириш тақиқланган.