"Реал" яримҳимоячиси Тони Кроос ўзининг клубдаги роли ҳақида фикр билдирди.
"Биринчи кунданоқ бош мураббийнинг ишончинини қозониш жуда муҳим эди. Анчелотти мен унга кераклигимни, мен учун жамоада жиддий рол таёрлаб қўйганини айтган эди. Телефондаги суҳбатда мен "Реал"ни янада яхшироқ қилишим мумкинлигини таъкидлаган эди.
Анчелотти ўзининг жамоаси мувозанатни сақлай олиши ва тўпни кўпроқ назорат қилишини хоҳлайди. У менга жамоанинг ўйинида кўпроқ тўп назорати ва тўп оширишларни кўпайтирмоқчи эканлигини айтган эди. Мен айнан шунинг учун керак эканман.
Мен майдон марказида, "Бавария"даги нуқтамдан 10 ярд ичкарироқда ўйнаяпман. Ҳужумни унутганим йўқ, аммо ҳозир классик жойлашувда 6 рақам ролини ўйнаяпман.
Гвардиола менга шундай деган эди: "Тони, ҳамма ўйинчилар фаолияти давомида ўз чизиғини ортга қараб ўзгартирадилар". Анчелотти билан бу йўлни босиб ўтишим мумкин", - дейди Кроос.
Эслатиб ўтамиз, Кроос примеранинг 11 учрашувида 1 гол ва 6 голли узатма оширди.
