Португалия терма жамоаси сардори Криштиану Роналду Евро-2016 саралаш босқичи доирасида Арманистон терма жамоаси дарвозасига ғалаба тўпини киритди (1:0). Бу «Реал» ҳужумчисининг Европа чемпонати саралаш ва финал босқичидаги 23-голи бўлди. Натижада Криштиану бу кўрсаткич орқали 1-ўринга кўтарилиб олди.
Роналду ушбу мусобақада 22та гол урган Ҳоқон Шукур ва Йон-Даль Томассонни ортда қолдирди.
Рўйхат бўйича яна қуйида футболчилар жойлашган: Робби Кин (21), Давор Шукер (20), Рауль ва Мирослав Клозе (19 тадан гол).
Эслатиб ўтамиз, Роналду профессионал фаолиятида 703-расмий ўйинда майдонга тушиб, 450-голини урди.