"Манчестер Юнайтед" посбони Давид де Хеа Испания терма жамоаси билан машғулотлар вақтида жимжилоқ бармоғини синдириб олди ва натижада камида бир ой майдонга туша олмайди.
"Ўнг қўлининг жимжилоқ бармоғи жароҳатланиши дарвозабонга миллий жамоа билан машғулотларни давом эттиришга имкон бермади. Де Хеа терма жамоа қароргоҳида қолади ва шифокорлар кўригидан ўтади", - дейилади Испания терма жамоаси матбуот хизмати томонидан берилган баёнотда.
Мавсумда 23 ёшли дарвозабон "МЮ" сафида Премьер-лиганинг 11 ўйинида майдонга тушди. Испания термаси сафида эса шу йилнинг 7 июнь куни дебютини нишонлаб, Сальвадорга қарши ўртоқлик баҳсидан сўнг яна икки ўйин ўтказишга муваффақ бўлди.