Теннис бўйича Лондонда бўлиб ўтаётган йилнинг якуний мусобақасида финалчилар номи маълум бўлди. Кутилганидек, Рожер Федерер ва Новак Жокович ҳал қилувчи баҳс йўлланмасини қўлга киритишди.

Ҳар иккала ярим финал 3 сет давом этди. Сербиялик Жокович япониялик Кей Нишикорига қарши ўйинннинг биринчи сетини осонлик билан ютган бўлса (6:1), иккинчи сетда имкониятни бой берди (3:6). Ҳал қилувчи сетда эса Новак рақибига ҳеч қандай имконият қолдирмади — 6:0.

Федерер эса юртдоши Вавринкага дастлабки сетни бой берди — 4:6. Иккинчи сет эса Рожер ўз фойдасига ҳал қилди — 7:5. Учинчи сетда тай-бреккача давом этди. Ҳал қилувчи паллада Стэн битта матч-болга эга бўлди. Бироқ Федерер ўзининг иккита узатмасини очкони қўлга киритиб, кейин рақибининг узатмасида очко олди ва финал йўлланмасини қўлга киритди.

Шундай қилиб, финалда мухлислари Федерер - Жокович баҳсига гувоҳига айланишади.