Россияда хизмат кўрсатган мураббий Гаджи Гаджиев ТАСС нашри мухбири билан суҳбатда Россия терма жамоаси кеча Австрияга қарши ўйинда етарли даражада ташкилий ўйинни уюштира олмаганини таъкидлаб ўтди.

"Жамоамиз, унда ўйнаётган футболчилар термада анча вақтдан буён бирга тўп суришаётган бўлса ҳам, ҳали ҳам шаклланиб улгурмаган. Капелло янги футболчиларни жалб этган ҳолда ўйинни қайтадан қуряпти, бироқ майдонда ягона жипслашган жамоани кўраётганимиз йўқ. Биринчи таймда ажойиб ўйинга гувоҳ бўлдик, ўзаро тушуниб ўйнашди, вазиятлар нисбатан омадлироқ бўлди. Лекин ўйинда кескин ўзгаришлар содир бўлиши билан вазият мураккаблашди, батартиб жамоа янада тартибли ўйин кўрсата бошлади, бизнинг термамиз эса буни уддалай олмади.

Иккинчи таймда австрияликлар ўйин маромини ошириб, янада асабийроқ ўйин кўрсата бошлашганида биз рақиб ўйинчиларини таъқиб эта олмай қолдик - ҳимоямизда бўш зоналар пайдо бўлди. Россиялик футболчилар, шунчаки, австрияликларнинг орқасидан ета олишмади. Бу ҳам гол ўтказиб юборилишига олиб келди, ҳам дарвозамиз олдида хавфли вазиятлар вужудга келишига сабаб бўлди", - дея таъкидлади эксперт.