Евро-2016 саралашининг гуруҳ босқичи 4-турида Италия-Хорватия учрашуви (1:1) меҳмон ишқибозларининг тартибсизликлари сабабли 10 дақиқага тўхтатилди.
70-дақиқага келиб, Италия термаси фаол ҳужумлар уюштираётган маҳалда уларни... Хорватия мухлислар тўхтатдилар. Мухлислар майдонга пиротехник воситаларни улоқтирганларидан сўнг бош ҳакам бир неча сонияга учрашувни тўхтатиб яна давом эттирди. Аммо навбатдаги портлашдан сўнг футболчиларни майдондан олиб чиқиб кетди.
Полиция трибуналарда тозалаш ишларини олиб борди. Полиция дубинкалари зарбалари остида хорват мухлислари ўзларини бошқа секторга урдилар. Ўн дақиқадан сўнг, тутун тарқади ва ўйин давом эттирилди.
Хорватияга қарши қандай чора кўрилиши ҳозирча номаълум.
