Футбол бўйича навбатдаги Жаҳон чемпионати ва Конфедерациялар кубогининг ўтказилиш муддатлари ФИФА ижроқўмининг 18-19 декабр кунлари Марокашда бўлиб ўтадиган йиғилишида тасдиқланади. Бу ҳақда ташкилот матбуот хизматига таяниб, ТАСС хабар бермоқда.
Шунингдек, ушбу мусобақаларни ўтказиш саналари ФИФА ва "Россия-2018" ташкилий қўмитасининг бугун Сочида бўлиб ўтган учрашувида ҳам атрофлича муҳокама этилган.
Дастлабки тахминларга кўра, ЖЧ-2018 8 июнда старт олиб, 8 июлда якунига етса, Конфедерациялар кубоги-2017 17 июндан 2 июлга қадар давом этади.