“Пахтакор” ярим ҳимоячиси Шерзод Каримовга “Нефтчи” қизиқиш билдирмоқда. Бу ҳақда marca.uz сайти хабар тарқатмоқда.
Асли фарғоналик бўлган Шерзод Каримовни бу йил “шерлар” сафида асосий ўйинчига айланди дея олмаймиз. Шерзод чемпионатда 18та ўйинда иштирок этди (жами 720 дақиқа). Шу боис у янада кўпроқ ўйин амалиётига эга бўлишни истаётган бўлиши ҳам мумкин.
Қолаверса, “Нефтчи” устози Мурод Исмоилов футболчининг имкониятларини жуда яхши билади. Илгари “Пахтакор”да бирга ишлаган Исмоилов ва Каримовнинг йўллари эндиликда “Нефтчи”да кесишса ажаб эмас.
