"Реал" клуби жамоа бош мураббий Карло Анчелотти билан шартномасини узайтирмоқчи, дея хабар беради Marca.

Айни дамда томонлар янги шартнома бандларини келишишмоқда. Унинг имзоланиши йил охирида эълон қилинади. Дастлабки маълумотларга кўра, янги келишув 2017 йилгача тузилади, 55 ёшли италиялик мутахассиснинг маоши оширилади. Айнан молиявий масала ҳал қилинмаган. Клуб президенти Флорентино Переснинг сўзларига кўра, мураббийнинг маоши оширилиши муаммо эмас.

Эслатиб ўтамиз, Анчелотти ўтган мавсумда "Реал" билан чемпионлар лигасида ғолиб чиққан эди.