Россия терма жамоасининг собиқ футболчиси Александр Мостовой "Бенфика"да ўйнаган чоғлари ва клубнинг югославиялик бош мураббийи Томислав Ивич ҳақида эслади.
"У миясидан ўқ еган эди. У футболдан йироқ одам, футболни тушунмас, унинг қандай мураббий эканлигини тушунмаганман. Футбол қаёқдаю, у қаёқда! У қичириши бақириши ва ўпиши мумкин эди. Қандайдир мультфильм қаҳрамони эди. У мен учун масхарабоз эди.
Уни "Бенфика"дан ҳайдаганларида икки ой "Порту"да юрди, биз жуда хурсанд бўлдик. "Порту" ўшанда биринчи ўринда эди, "Бенфика" - иккинчи. Натижада биз улардан ўзиб кетдик. Ўйлаб кўринг, футболда унга алоқаси бўлмаган қанчадан қанча одамлар бор.
Унинг иш услуби? У бир неча тилларни оз-моздан билар эди. Жамоада чет элликлар кўп эди, у ҳамма билан мулоқот қилишни истар эди. У гоҳо Юраннинг олдига келиб уни ўпишга чоғланар эди. Уни Юрка деб атар эди. Эсимда икки томонлама футбол ўйнаган эдик, Серега гол урди, у эса "Ў, Юрка, Юрка, Қойил" дея бақирди, унинг олдига югуриб бориб ўпиб қўйган эди", - дейди Мостовой.