“Sony” компанияси ФИФА билан ҳамкорликни узайтирмасликка қарор қилди, деб хабар беради “The Wall Street Journal” нашри.
Sony компаниясининг ФИФА билан 8 йилга тузган 280 млн долларлик шартномаси шу йилнинг охирида ўз ниҳоясига етади.
Ҳамкорликни бекор қилишга 2018 йилги ва 2022 йилги жаҳон чемпионатлари мезбонларининг тўғри танланганлигига шубҳа билдирилаётганлиги асосий сабаб бўлди.
Аввалроқ ФИФА билан ҳамкорликни яна битта ҳомий – футбол ассоциациясининг доимий ҳамкорларидан бири саналган “Emirates” компанияси ҳам бекор қилишини хабар берган эди.
“Sony” ҳозирча ўзининг ҳамкорликни бекор қилиш ҳақидаги қарорини расман тасдиқламади.
