Ўтган йили "Олтин тўп" учун Роналду, Месси ва Рибери якуний номзод сифатида эътироф этилиб, якунда Криштиану ғолибликни қўлга киритганди. Франк Риберининг фикрича, мазкур соврин футболдаги хизматлар учун эмас, бошқа сабабларга кўра берилади.
"Тақдирлаш маросимига келган заҳотим, аёлимга қўнғироқ қилдим ва ғалаба қозонмаслигимни айтдим. Йозеф Блаттер Роналдуни қай тариқа қучоқлагании кўрдим. Мен аҳмоқ эмасман. Унинг ғолиб чиқиши тушунарли бўлди, акс ҳолда у маросимга бутун оиласи билан келмаган бўларди. Бу йил ҳам шундай бўлади. Бу сиёсий қарор. "Олтин тўп" — ҳозирда энг кучли футболчига бериладиган соврин эмас", — дейди Рибери.
Франциялик футболчининг фикрича, ушбу йилда "Олтин тўп"ни унинг жамоадошлари — ё дарвозабон Мануэль Нойер, ёки ярим ҳимоячи Арьен Роббен олиши керак.
Ҳозирда терма жамоалар бош мураббийлари, сардорлари ва журналистлар ўртасида сўровнома жараёни давом этмоқда. Ғолибликка даъвогар 3 футболчи номи 1 декабрь куни эълон қилинса, тақдирлаш маросими 2015 йилнинг 12 январь куни ўтказилади.
