"Барселона" ва Бразилия терма жамоаси собиқ футболчиси Роналдиньога Анголанинг "Кабушкорп" клуби бир йиллик шартнома таклиф қилмоқда.

Сўнгги 2 йил давомида Бразилиянинг "Атлетико Минейро" жамоасида ўйнаган ярим ҳимоячи сентябрь ойида Мексиканинг "Керетаро" клуби билан 2 йиллик шартнмоа имзолаганди.

Ангола клуби президенти Бенту Кангамбанинг сўзларига кўра, машҳур футболчининг келиши оқибатида жамоа ўзи иштирок этаётган мусобақаларда муваффақиятли қатнашиш имкониятини беради.

"Биз Роналдиньонинг вакиллари билан музокара олиб боряпмиз. Биз унинг хизматларидан бир йил давомида фойдаланмоқчимиз. Роналдиньо ёрдамида Африка чемпионлар лигасида ғолиб чиқа оламиз ва клублар ўртасидаги жаҳон чемпионатида Европанинг кучли жамоаларига қарши муносиб ўйнай оламиз", - дейди Кангамбу.

2012 йилда "Кабушкорп" сафида яна бир жаҳон чемпиони — Ривалдо ўйнаганди.