“Насаф” ПФК матбуот хизмати раҳбари Азиз Нурийнинг берган маълумотларига қараганда, “Насаф” жамоаси бош мураббийи Рўзиқул Бердиев куни кеча Санкт Петербургда Европа чемпионлар лигасидан ўрин олган “Зенит” ва “Бенфика” клублари ўртасидаги учрашувни бевосита стадионда томоша қилган.
Маълум бўлишича, Рўзиқул Бердиев фақатгина шу мақсадда у ерга ташриф буюрмаган. Ушбу мутахасиснинг хизмат сафари дастурида “Зенит” клубининг мураббийлар штаби иш фаолияти, клуб инфраструктураси, футбол академияси фаолияти билан танишиш ва бошқа масалалар ўрин олган.
Рўзиқул Бердиевнинг хизмат сафари 30 ноябрь куни ўз ниҳоясига етади ва юртимизга қайтиб келади.
