Европа лигасининг гуруҳ босқичида "Краснодар" учинчи ўйинда ҳисобда олдинда бораётиб, якунда дуранг билан чекланишга мажбур бўлди.
"Лилл"ни ўз майдонида қабул қилган краснодарликлар биринчи бўлимда устунликка эришишди, кетма-кет ҳужумлар ташкил қилишди ва тайм охирида ҳисобни очишди. Ари бирга-бир вазиятда дарвозани ишғол қилди.
Иккинчи бўлимда эса ташаббус французлар томонида бўлди ва ўйин тугашига 11 дақиқа қолганида Нолан Ру қанотдан етказилган узатмага бош билан зарба бериб, ҳисобни тенглаштирди.
Шундай қилиб, "Краснодар" муддатидан аввал плей-оффга чиқиш имкониятидан маҳрум бўлди.
Ўйиндан кейин ўйин ҳақида ўз фикрларини билдирган Олег Кононов жароҳатланган футболчилар, жумладан, Одил Аҳмедовнинг ўрни бугунги ўйинда билинганини таъкидлади.
Европа лигаси, 5-тур
Краснодар Россия – Лилл Франция 1:1 (1:0, 0:1)
Голлар: 1:0 – 35 Ари, 1:1 – 79 Ру.
Краснодар – Дикань, Сигурдссон, Енжейчик (Мартинович, 45), Калешин, Перейра, Петров, Газинский, Измайлов (Лаборде, 46), Жоаозиньо, Мамаев (Вандерсон, 82), Ари.
Лилл – Эньема, Розегнал, Коршья, Баша, Бериа, Гуйе, Делаплас (Мавуба, 62), Бальмон, Мартен (Роделен, 67), Ру, Фрай (Мендеш, 80).
Огоҳлантиришлар: Перейра (56), Гуйе (65), Ру (84), Петров (86), Баша (90), Вандерсон (90).
