2014 йилги "Олтин тўп" учун якуний уч нафар рўйхатга Криштиану Роналду ("Реал Мадрид"), Лионель Месси ("Барселона" ва Мануэль Нойер ("Бавария") киришди. Бу ҳақда "Р-Спорт" сайти ФИФА ташкилий қўмитасига яқин манбага таяниб хабар тарқатди.
Ҳар учала футболчи ушбу йилда эътиборга молик натижаларни кўрсатишди. Нойер Германия терма жамоаси жаҳон чемпионлигини қўлга киритган бўлса, Месси Аргентина билан финалгача етиб бориб, қўшимча бўлимларда мағлуб бўлди. Роналду эса "Реал" билан бирга ЕЧЛда ғолиб чиқди.
Ўтган йилги "Олтин тўпни" Криштиану Роналду қўлга киритганди. Бунгача Месси 4 марта жаҳоннинг энг яхши футболчиси деб топилганди.
ФИФА ҳали якуний учлик номини эълон қилганича йўқ. Навбатдаги "Олтин тўп" соҳиби 2015 йилнинг 12 январь куни эълон қилинади.
