Англия футбол ассоциацияси расмий сайти берган маълумотга кўра, мамлакат миллий терма жамоаси 2015 йилнинг 31 март куни Туринда Италия терма жамоаси меҳмони бўлади.
Ҳозирга келиб учрашув ўтадиган стадион масаласи очиқлигича қолмоқда холос. Ўйин ё "Торино" клубининг уй ўйингоҳи бўлган "Олимпия" стадионида, ёки "Ювентус" аренасида ўтказилади.
Ўртоқлик учрашувининг айнан қаерда ўтишига кейинроқ ойдинлик киритилади. Аввалроқ томонлар жавоб учрашуви Лондондаги "Уэмбли" стадионида ўтиши тўғрисида келишиб олишганди. Ушбу ўйин ЖЧ-2018га яқин қолганда ташкиллаштирилади.
