Саудия Арабистони терма жамоаси бош мураббийи Хуан Рамон Лопес Каро ва унинг штаби истеъфога чиқарилди, дея хабар беради Reuters.
Испаниялик мутахассис ўтган йилнинг декабрида бош мураббий этиб тайинланган эди, аммо Форс кўрфази кубоги-2014 қўлга киритилмаганидан сўнг танқидлар остида қолди. Унинг жамоаси ўз мухлислари кўз олдида Қтарга имкониятни бой берди (1:2).
Эслатиб ўтамиз, Лопес Каро 2005/06 мавсумда мадриднинг "Реал" клубини бошқарган. Шунингдек, Леванте", "Сельта", Испансия ёшлар термаси ва Руминиянинг "Васлуй" клубларини бошарган.
Лопес Каронинг истеъфоси роппа роса бир ойдан кейин старт оладиган Осиё кубоги-2015 мусобақасидан олдин рўй берди. Саудияликлар Австралияда ўтадиган қитъа чемпионатида Ўзбекистон, КХДР ва Хитой терма жамоаларибилан бир гуруҳдан жой олган. Мамлакат футбол мутасаддилари бир ҳафта ичида янги бош мураббий номини эълон қилиши мумкин.
