Ўзбекистон U-12 терма жамоаси 5 декабрь куни Малайзиянинг Куала-Лумпур шаҳрида старт олган «Supermokh-2014» халқаро турниридаги иштирокини якунлади.

Мусобақанинг «C» гуруҳида иштирок этган Миразиз Мирзааҳмедов бош мураббийлигидаги терма жамоаси 3та ўйин ўтказиб бир ғалаба ва икки мағлубият қайд этди. Ўзбекистон U-12 терма жамоаси дастлаб «Бурирам Юнайтед» клубига қарши баҳсда 2:1 ҳисобида ғалаба қозонган бўлса, 2-турда «Поханг Стилерс»га 1:4, 3-турда эса «Малайзия Тайгерс» клубига 1:3 ҳисобида мағлуб бўлди.

Шу тариқа, Ўзбекистон U-12 терма жамоаси гуруҳ босқичида мусобақадаги иштирокини якунлади.