"Реал" ҳимоячиси Серхио Рамос Испания чемпионатининг 14-турида "Сельта" устидан қозонилган ғалабадан сўнг (3:0) ўзининг 300-ўйини ва жамоадоши Криштиану Роналда ҳақида фикрлар билдирди.

"Криштиану Роналдудек ўйинчининг сафимизда бўлиши - устунлик. Унинг статистикаси ақлдан оздиради. У ҳамма рекордларни ортда қолдирмоқда. У ҳозир фаолиятининг энг юқори чўққисида бўлса керак. Унинг ўйинларини таърифлаш учун янги сўзлар ўйлаб топиш керак.

Мен учун бу ўйин жуда муҳим эди, бундай юбилейларни ҳар куни ҳам нишонламайсан. "Реал" сафида примерадаги 300 та ўйинимни икки баробарга оширмоқчиман.

Анчелоттининг шартномаси узайтирилгани - яхши янгилик. У хотиржам мураббий. У биз билан узоқ вақт қолишига умид қиламан. У жамоани қандай бошқаришни билади", - дейди Рамос.